TV3, Catalunya Ràdio i ACNren manifestua, Espainiako gobernuak Kataluniako hedabide publikoetan esku hartzeko egindako mehatxua dela eta

TV3 eta Catalunya Ràdio komunikabide publikoak 1983an sortu ziren, Kataluniako Parlamentuan ziren indar politiko guztien aginduz. Izan ere, ordutik zerbitzua ematen diegun herritar guztien borondatea Parlamentuan jasotzen baita.

Duela 34 urtetik hona, beraz, Kataluniatik eta katalanez azaltzen dugu hemen eta munduan gertatzen den guztia, ahalik eta pluraltasun handienarekin eta egiazkotasuna zainduz. Eta horrexeri esker, erreferente bihurtu gara kalitatezko albistegien eta entretenimenduaren arloan; eta lider gara audientzian eta sinesgarritasunean.

Espainiako Gobernuak Kataluniako hedabide publikoak, Kataluniako Albiste Agentzia (ACN) barne, interbenitzeko egin duen mehatxua herritarren aurkako eraso zuzena da; eta informazio egiazkoa, objektiboa, plurala eta orekatua jasotzeko eskubidearen kontra doa; hau da, demokrazia guztien oinarrizko eskubidea dena urratzen du.

Gobernuak esku hartu eta hedabideon funtzionamendua kontrolatu nahi izateak agerian uzten du eskubide horiek urratu nahi dituela. Gobernuaren kontrolak prentsa askatasuna bahitzea dakar.

Injerentzia hau onartezina da Europa demokratiko batean, eta Europar Batasunaren oinarrizko printzipioak haustea dakar.

 

Versions en altres idiomes:

• Manifest de TV3, Catalunya Ràdio i l'ACN davant l'amenaça d'intervenció dels mitjans públics catalans

• Manifest de TV3, Catalonha Ràdio e era ACN dauant era menaça d'intervencion des mieis publics catalans

• Manifiesto de TV3, Catalunya Ràdio y la ACN ante la amenaza de intervención de los medios públicos catalanes
   
• Manifesto de TV3, Catalunya Ràdio e a ACN diante da ameaza de intervención dos medios públicos catalans
   
• TV3, Catalunya Ràdio and ACN manifesto on the threat of intervention of Catalan public media
   
• Manifeste de TV3, Catalunya Ràdio et l'ACN face à la menace d'intervention des médias publics catalans
   
• Manifest von TV3, Catalunya Ràdio und ACN vor dem drohenden Eingreifen der katalanischen Medie